وهنا فكرة البوكس مختلفة تماما هو الرئيسى انه بوكس فيه شيكولاتة وهدية فى النص وخلاص... لكن هو فعلا مختلف لانه بوكس رباعى الابواب بمجرب ما ترفع الغطا بينزل ال 4 ابواب من الجمب بشكل رائع وملفت ومبهج وبيكون فيه شيكولاتة زى ما هو موضح بالصورة تماما وفى نص البوكس بوكس صغير من ورق الكانسون المتعارف عليه و داخل البوكس دا علبة على شكل قلب مصنوعة من القطيفة وفيها خاتم صغير من الفضة او البلاتين.
وتقدر تعملها فى البيت لواحدك بالطريقة دى .
وهنا بوكس بس بطريقة مختلفة اكتر وشيك وشبابية وعصرية اكتر,
البوكس هنا جاى بنفس فكرة العلبة الكارتون والابواب بتاعة العلبة متغلفة بالصور والقلوب الفوم وكلمات من الفوم زى عيد حب سعيد او عيد ميلاد سعيد وفيها مسدجات ملفوفة ومقفولة بفيونكة لطيفة وبسيطة عليها وفى نص البوكس بلالين كتير جداا منفوخة بشكل صغير ومكتوب عليها كلمات حلوة اوى بتدعم بيها صاحب الهدية وتقدمله فيها الحب والتهنئة.
وممكن تحت البلونات اللطيفة دى يكون فيه هدية بسيطة زى كتاب او ملابس او علبة فيها ساعة هتكون لطيفة وجميلة.
